اسلام مبقاش اسلام الضائع . بعد فتح قصتة مع مني عراقي فرحة كبيره جدا جدا بعوده اسلام لاهله اخيرا بعد 52 تحليل DNA سلبي مع اسر مختلفه و بعد 33 سنه كاملين من خطفه من اهله من مستشفي الشاطبي و هو طفل حديث الولاده و اخيرا ظهر اخر تحليل رقم 53 ايجابي و رجع اسلام لاهله و اسمه الحقيقي عبد الحليم فهمي مرزوق و هو مواليد 16 ابريل 1984.
عبد الحليم (اسلام) كان احد طفلين توأم ولدتهم الام و بعد الولاده جابولها طفل واحد منهم و اسمه مصطفي و قالولها ان التاني في الحضانه و بعدها قالولها انه توفي ... يعني طول الوقت ده والدة عبد الحليم (اسلام) كان فاكره ان ابنها مات مش اتخطف!!
منذ بضعة اسابيع اخو اسلام الحقيقي شافه علي التليفزيون في برنامج انتباه الذي عرض قصه بحث اسلام عن اهله تواصل معاه و عرفه علي والدته علي انه صديق له لكن والدته حست انه ابنها رغم انها فاكره ان ابنها توفي وقت ولادته...تم عمل تحليل DNA و الحمد لله ظهرت اليوم نتيجته ايجابيه و رجع اسلام لاهله اخيرا و اكتشف اسلام المفاجأه السعيده انه له اخ توأم (مصطفي) و له اخ تاني و ام و اب و اسره كامله ربنا عوضه اخيرا بيها عن سنوات و سنوات من الضياع
الف الف مبروك يا عبد الحليم ... مبروك رجوعك لاهلك و فرحتك بوالدتك و اخواتك..ربنا يباركلك فيهم و يخليكوا لبعض و فرحتنا بنجاح مشوارك و بحثك و فخرنا بمثابرتك و قوتك و عدم فقدانك للامل لا توصف
الامل دايما موجود و لو بعد 33 سنه...يا رب عقبال رجوع كل مفقود لاهله
نريد ان نرى اهل اسلام
ردحذفنريد ان نرى مقابلة اسلام مع اهله
ردحذفإرسال تعليق
شكرا لمشاركتك